Patrimonio arqueolóxico

Dentro do patrimonio arqueolóxico do Concello de Fene, destacan as mámoas do Monte Marraxón.

Enténdese por mámoa un sepulcro prehistórico da época megalítica (vai desde o século VI ao III antes da era actual) formado por un dolmen cuberto por un montículo de terra de planta circular. Poden chegar a ter entre 3 e 5 metros de altura.

No Monte Marraxón podemos atopar até dezanove sepulcros que datan do 5.500 antes da era actual e no Couto do Rei, a 354 metros de altura, o de maior tamaño. Ten unhas medidas aproximadas de 10 metros de diámetro e 60 centímetros de altura.

Como indicabamos o Monte Marraxón é unha zona de grandes achados arqueolóxicos, mais tamén é un lugar óptimo para a práctica de sendeirismo e ao seu tempo ofrece unhas privilexiadas vistas sobre o Golfo Ártabro.